Driving License : भारतात चालक परवाना खूप महत्त्वाचा दस्तऐवज आहे आणि वाहन चालवण्यासाठी हे खूप गरजेचं आहे. ड्रायव्हिंग लायसन्स मिळवण्यासाठी आपल्याला खूप मेहनत घ्यावी लागते. कारण त्यासाठीची प्रक्रिया खूप मोठी असते. मोठी प्रक्रिया आणि ड्रायव्हिंग टेस्ट पास झाल्यानंतर आपल्याला चालक परवाना मिळतो. आपल्याला देशात ड्रायव्हिंग लायसन्स हवं असेल तर पर्मनंट ड्रायव्हिंग लायसन्सपूर्वी लर्निंग ड्रायव्हिं लायसन्स बनवावं लागतं.
तुम्ही तुमच्या सोयीनुसार ड्रायव्हिंग लायसन्स बनवू शकता. त्यासाठी ऑनलाईन किंवा ऑफलाईन अर्ज करू शकता. आम्ही आज तुम्हाला घरबसल्या ड्रायव्हिंग लायसन्स कसं बनवायचं, त्यासाठी कसा अर्ज करायचा याबद्दलची माहिती देणार आहोत. लर्निंग लायसन्ससाठी तुम्ही ऑनलाईन अर्ज करू शकता. लर्निंग लायसन्ससाठी तुमचं वय १८ वर्ष पूर्ण असलं पाहिजे. तसेच तुम्हाला रहदारीच्या नियमांबद्दल माहिती असायला हवी. तसेच तुमच्याकडे सर्व वैध दस्तऐवज असले पाहिजेत.
